Kjúklingur- Chorizo

Ég eldaði súper einfaldan en súper ljúffengan kjúklingarétt fyrir fjölskylduna í kvöld.

Ég setti kjúklingalæri í ofnskúffu, skar kartöflur í fernt og stráði yfir kjúklinginn. Svo fór dash af olíu og ég nuddaði bitana og kartöflurnar, skar niður rauðlauk gróft og chorizo pyslu í sneiðar og svo í fernt og stráði yfir. Að lokum kryddaði ég með salti, pipar, oreganó og rifnum appelsínubörk og skellti inní ofn á 180 gráðir í klukkutíma.

Dásamlega gott :)

Sunnudagslærið

Eitt af því sem ég elska við haustin eru nýslátruðu lömbin og verða þau því oft fyrir valinu hjá okkur á sunnudögum. Í gær fórum við í seinna fallinu að versla því húsmóðirin gat ekki hætt að hekla... ;)

Nikulás litli sofnaði í bílnum rétt áður en við ætluðum í heimsókn og þess vegna brunuðum við heim og ég stökk inn og kryddaði lambið meðan Nikulás svaf og auðvitað var pabbinn hjá honum á meðan.

Ég skar niður tvo lauka, gulrætur, sellerí og hvítlauk og setti í botninn á pottinum. Skar djúpar raufar í lærið og stakk hvítlauk sem ég var búin að skera gróft niður. Því næst nuddaði ég lambið vel með góðri olíu, kryddaði með salti, sítrónupipar, rósarpipar og bezt á lambið. Svo fékk lærið að dúsa í pottinum með lokinu á eldhúsborðinu í tvo tíma meðan við skruppum í heimsókn.

Þegar við komum heim tók á móti okkur unaðsleg lykt sem sveimaði um alla íbúðina.

Ég byrja alltaf á því að loka kjöti og skellti því inn í 200° heitan ofn í 20 mín, svo lækkaði ég hitann niðrí 150° og lærið (2,6 kg) fékk að dúsa áfram í 80 mín.

Ég á því miður ekki fleiri myndir, vorum orðin svo svöng, þessi verður bara að duga !

Með þessu bar ég fram grófar, stórar franskar, gular baunir, rauðbeður, grænmeti úr pottinum, ferskt salat og 1 líter af brúnni sósu, ég notaði soðið úr pottinum ásamt helmingnum af grænmetinu sem ég skellti í matvinnsluvél, það er einnig hægt að nota töfrasprota.

Það er nógur afgangur fyrir kvöldið í kvöld, allt úthugsað svo húsmóðirin geti heklað með CAL hópnum sínum eftir vinnu í dag ;)

Bolognese

Það finnst öllum á mínu heimili Spaghettí Bolognese gott og sérstaklega honum Nikulási, það var tímabil þegar hann borðaði fátt annað og þá bjó ég til baby-version og frysti. Hér fyrir neðan er aðferðin mín :)

Ég byrja á því að steikja rauðlauk og gulrætur í smá olíu og stundum annað grænmeti sem til er í ísskápnum. Í þetta skiptið bætti ég við blaðlauk og grænni papríku.
Bjó til pláss í miðjunni og steikti hakkið og blanda svo öllu saman. Hendi útí oreganó og basil og steiki aðeins saman.

Svo fer tómatmaukið útí og ég hita það og blanda síðan við hakkblönduna.

Eftir það fer hvítlaukurinn útí og ég steiki aðeins saman.

 Bý til pláss í miðjunni fyrir rauðvínið og Worcestershire  og blanda svo saman.

 Svo fara tómatarnir útí...

 Og í lokin mjólkin og svo leyfi ég þessu að malla í hálftíma og krydda með salti og pipar.

Borið fram með spaghettí, hvítlauksbrauði og nýrifnum parmesan.

Innihald:

1 stór rauðlaukur

5-6 rifnar gulrætur

1 kg nautahakk

1-2 msk þurrkað oreganó

1-2 msk þurrkað basil

1 dós (6 ounce) tomato paste

6 hvítlauksrif

1 bolli rauðvín

2 msk Worcestershire sauce

2 dósir (28 ounce) Whole Tomatoes

1 bolli mjólk

Salt & Pipar

Grillaðar kjúklingalundir

Ég maríneraði kjúklingalundir, notaði cirka;

1 bolla af olíu

2-3 msk balsamedik

5 hvítlauksrif (skorið í þunnar sneiðar)

1 rautt chilli

1 „lúka“ steinselja

½ tsk arabískar nætur

½ tsk papríkukrydd

salt & pipar

Bjó til pestó og í það fór;

1 búnt basilíka

2 msk ristaðar furuhnetur

2 msk rifinn parmesanostur

2 – 3 hvítlauksgeirar

1 - 1½ dl ólífuolía

Salt & nýmalaður pipar

Með þessu bar ég fram Moroccan style cous cous og fersk salat og fór í huganum í smá ferðalag :)

Gæsabringur og bláberjasósa

Fyrstu gæsabringurnar komnar í hús en gæsaveiði tímabilið er ný byrjað og minn betri helmingur fær ótakmarkað leyfi til að fara til fjalla og veiða til matar :) Algjört sælgæti bæði steiktar og grafnar gæsabringur.

Brokkolí og snjóbaunir í sesamsósu

2 msk olía

2 meðalstórir spergilkálshausar, skornir í litla bita

½ pakki snjóbaunir

Salt og nýmalaður pipar

Aðferð

Hitið olíu í wok-pönnu eða stórri pönnu og steikið spergilkál í 2 mín, án þess að brenna. Bætið snjóbaunum á pönnuna ásamt sesamsósu og blandið vel saman, smakkið til með salti og pipar.

Sesamsósa

2 msk hunang

2 msk ljóst edik

2 msk sojasósa

2 smak sesamfræ, ristuð

1 tsk sesamolía

Salt og nýmalaður pipar

3 msk olía

Aðferð

Setjið allt nema olíu í skál og blandið vel saman. Bætið olíunni saman við í smáum skömmtun og hrærið vel í á meðan.

Sætar kartöflur, kryddaðar með sjávarsalti, nýmöluðum pipar, kúmen, basil og kirsuberjatómötum. Geggjað að setja gráðost rétt eftir að kartöflurnar koma úr ofninum en krakkarnir eru ekkert allt of hrifin af honum þannig að hann er á disk til hliðar.

Önd, teriyakí maríneruð gæs, salt og pipar krydduð gæs og bláberjasósa.

Bláberjasósa

2-3 skallottlaukar

3 msk olía

½ tsk timjan

1 dl púrtvín

1 msk balsamedik

1 dl bláber

1-2 msk bláberjachutney

4 dl villibráðarsoð

30 gr kalt smjör í tenigum

Salt og pipar

Aðferð

Látið lauk krauma í olíu í potti í 1 mínútu. Bætið þá timjani, púrtvíni, ediki, bláberum, bláberjachutney saman við og sjóðið niður um ¾. Hellið villibráðarsoði í pottinn.

Setjið sósuna í matvinnsluvél, bætið smjöri út í og maukið vel. Setjið sósuna því næst aftur í pottinn og hitið að suðumarki.

Bláberjachutneyið fékk ég hjá vinkonu minni sem er nýburjuð að skrifa pistla á timarim.is undir Heimili og fékk hún mig til að stílfæra krukkurnar og taka myndir.

Grænmetis- og baunasúpa

Haustið er komið með allar sínar tilheyrandi lægðir og á sama tíma er vel við hæfi að hefja súputíðina.

Ég man ekki hvar ég fékk þessa uppskrift en hún hefur fylgt mér lengi og virðist aldrei vera nákvæmlega eins,  það fer alveg eftir hvað er til í ísskápnum af grænmeti og hvernig stuði ég er í.

Einnig er gott að búa til kóríanderpestó og setja í súpuna eftir eldun, en ég læt grunn uppskriftina fylgja með.

Það sem var öðruvísi í dag var að ég átti ekki til blaðlauk og gleymdi að setja lárviðarlaufið og svo átti ég til ferska steinselju sem hver og einn setti útí sjálfur. Ég fór í pólsku búðina „Mini Market“ uppí efra Breiðholti því ég átti leið uppí Sorpu og keypti þar pólskar steik- og grillpylsur.

Hráefni

1 laukur, saxaður

1 blaðlaukur, sneiddur

2 hvítlauksgeirar, saxaðir

3 cm engiferrót, gróft rifin

Olía til steikingar

½ tsk túrmerik

½ tsk kanill

½ tsk engiferduft

1 tsk arabískar nætur

1 ½ l vatn

2 tsk grænmetiskraftur

2 dósir hakkaðir tómatar

150 gr þurrkaðar linsubaunir

1 lárviðarlauf

1 msk hunang

Sjávarsalt og nýmalaður pipar

Aðferð

Steikið lauka og engifer í olíu, setjið þurrkrydd saman við og steikið áfram í 1 mín. Bætið öllum öðrum hráefnum í pottinn og látið súpuna sjóða í 30 mín. Steikið pylsurnar á pönnu þangað til þær verða stökkar að utan, skerið þær í sneiðar og bætið út í súpuna.

Njótið !

Mánudags-kjúklinga-pastasalat

Ágætt að hafa léttan mat á virkum dögum og helst eitthvað sem er fljótleg sérstaklega þegar maður er með lítinn Nikulás í aðlögun á leikskóla sem tekur mikið á mömmuhjartað.

Stundum þegar ég hef lítinn tíma þá kaupi ég tilbúinn grillaðan kjúkling í Þinni verslun en í dag grillaði ég hann sjálf sem er auðvitað alltaf best.

Ég kryddaði kjúklinginn með „Bezt á kjúkling“ stakk hálfri sítrónu inní fuglinn ásamt hálfum lauk og sauð fiðrildapasta. Skar niður blaðlauk, papríku, sykurbaunir og gulrætur, blandaði svo öllu saman í skál og bætti við gulum baunum, fersku blönduðu salati og fetaosti.

Mér finnst ágætt þótt kjúklingurinn sé mjög safaríkur eftir eldun að hella smá soði yfir kjúklinginn þegar ég er búin að tæta hann niður áður en ég blanda honum út í salatið. Bara ágætis mánudags kjúklingapastasalat ! :)

Kjúklinga- og kókossúpa

Helga Kvam er klárlega minn uppáhalds ljósmyndari, hún tekur alveg meiriháttar flottar landslagsmyndir.

Kom mér ekkert á óvart að hún væri meistara kokkur, hún er með ótrúlega flott matarblogg og þessi uppskrift er frá henni. Ég bætti við grænkáli síðustu 5 mínúturnar og súpan var fersk og dásamlega góð borin fram með nýbökuðu baguette.

Það er greinilega hugsað út í hvert smáatriði við hverja mynd á blogginu hennar enda gerast myndir varla flottari. Það verður úr nógu að velja til að elda á næstunni fyrir fjölskylduna.

Bloggsíðan hennar heitir allskonar.is

Öðruvísi marínering á lambalæri

Lambalærið fékk öðruvísi marineringu uppí Stóru-Skógum, farið var að rökkva á kvöldin og Dóri minn sendur út rúmlega 1 að nóttu til, að sækja kryddjurtir...

Það var ekki fyrr en kvöldið eftir þegar lærið átti að fara á grillið að það lyktaði öðruvísi en vanalega þegar ég geri þessa ákveðnu maríneringu.

Lavender og salvía fór í staðinn fyrir rósmarín og timjan :)

Í maríneringuna fór s.s olía, balsamedik, sítrónusafi, hvítvín, hunang, sítrónubörkur, hvítlaukur, svartur pipar, ferskt oreganó, ferskt lavender og fersk salvía, kom skemmtilega á óvart !

Með lærinu vorum við með aspasböggla, ofnsteikta kartöflubáta, ferskt salat og kalda dijon sinnepssósu með grænum pipar.

Hvítlauksgrillaður humar í Stóru-Skógum

Áttum yndislega daga í frábærum bústað uppí Stóru-Skógum og auðvitað var borið fram það besta fyrir strákana mína. Hún Auður mín sem á bústaðinn er búin að gera hann svo fallega upp og ég skil hana vel að vera öllum stundum þarna uppfrá í fallegu náttúrunni.

Blandað salat með grilluðum rauðrófum, mandarínum, fetaosti og fersku timjan.

Bjó til sinnepsdressingu og notaði basil-sinnep sem ég keypti í Mosfells bakarí á leiðinni út úr bænum.

Ég breytti aðeins innihaldinu í þessu "hefðbundna" hvítlaukssmjöri og bætti út í smá chilli, sítrónupipar, basilolíu, pestó-olíu og svo auðvitað smjör, hvítlauk og steinselju.

Þetta smakkaðist hrikalega vel með mediterranean cous cous, nýbökuðu frönsku baguette og ísköldu hvítvíni ! :)

Grillborgari með bernais

Hægt að gera hamborgara mjög girnilega... og góða !

Nautaluuuund...

Grilluð sérrí maríneruð nautalund með olíu-balsamedik portobello sveppum með dash af fersku timjan, bakaðar kartöflur, kúrbítur, ferskt salat, bernais og rautt á kantinum, love it !

Matarboð með Creditinfo stelpunum mínum

Aðalréttur

Pönnusteiktar Andarbringur með ferskri salvíu, appelsínusósa með ávöxtum, sætar kartöflur m/kúmen, fersku basil og gráðosti og salat með perum og parmaskinku.

Eftirréttur

Strawberry and Lemon Curd Trifle, uppskrift frá Stephanie hjá Joy of Baking

Skvísu-Matarboð

Forréttur

Laxatartar með Kóríander og tobikko hrognum.

Milliréttur

Grillaður humar í basil-hvítlaus-olíu-smjöri

Aðalréttur

Hágæða hreindýrafillet, villibráðasósa, grillaðir portobello sveppir, sætar kartöflur m/kúmen, fersku basil og gráðosti og salat með perum og parmaskinku.

Eftirréttur

Heimabakaðar súkkulaði-hindberja bollakökur með hindberjkremi

Mexíkó kjúklingasúpa með nachos, sýrðum rjóma og rifnum osti

400 gr kjúklingakjöt

1 msk olía

1 stk laukur

6 stk plómutómatar (diced tomatoes)

100 gr blaðlaukur

1 rauð papríka

1 gul papríka

1 stk grænt chilli

2 tsk papríkuduft

3 msk tómatpurre

1,5 lítri kjúklingasoð

2 dl salsa sósa (medium)

100 gr rjómaostur (2-4 msk)

MEÐLÆTI Í SÚPUNA

Sýrður rjómi

Nachos flögur

Rifinn ostur

AÐFERÐ

Steikið saman í olíu kjúklingakjötið, laukinn, blaðlaukinn, paprikuna, grænt chilli og plómutómatana. 
Bætið í paprikudufti og tómatpurré, blandið vel saman. Hellið saman við kjúklingasoðið og látið sjóða í 15- 20 mín við vægan hita. 
Bætið salsasósu í súpuna ásamt klípum af rjómaostinum. Látið sjóða í 3-5 mín við vægan hita. Berið súpuna fram með sýrðum rjóma, nachos flögum og rifnum osti.

Ágætt að nýta þessar barnamatar krukkur í eitthvað eins og t.d undir kryddið mitt, svo fallegt og skipulagt núna

Sushi

Tikka Masala á 20 mínútum

Ég tætti niður heilan kjúkling, hitaði olíu á pönnu og steikti lauk og bætti svo saman við engifer, hvítlauk og chilli. Skellti kjúklingnum saman við, krukku af Tikka Masala sósu, dós af tómötum og skvettu af rjóma og hitaði saman í nokkrar mín.

Bjó til kóríanderpestó, sauð brún hýðis hrísgrjón og hitaði naan brauð...

Salat með parmaskinku

~Blandað salat~

2 perur, skornar í litla báta og grillaðar
8 sneiðar parmaskinka
Mozzarella
Ristaðar pekan hnetur

~Sinneps-salatsósa~

1 hluti vínedik
2 hlutar góð olía
Grófkornasinnep
Ögn af sykri eða hunangi
Smá salt og pipar


Síðan eftir skapi blanda ég ýmist, tómötum, grilluðum aspas, portobello sveppum eða hverju sem er :)

Nautalund...

Nautalund maríneruð í olíu, hvítlauk, chilli, sérrí, tómatmauki, soja, balsamedik, hunangi, sinnepsfræjum og svörtum pipar og svo GRILLUÐ á funheitu grilli, með Röstí kartöflum, hvítlauksgrilluðum portobellosveppum, Caprese salati og homemade bernais :)