Sunnudagslærið

Eitt af því sem ég elska við haustin eru nýslátruðu lömbin og verða þau því oft fyrir valinu hjá okkur á sunnudögum. Í gær fórum við í seinna fallinu að versla því húsmóðirin gat ekki hætt að hekla... ;)

Nikulás litli sofnaði í bílnum rétt áður en við ætluðum í heimsókn og þess vegna brunuðum við heim og ég stökk inn og kryddaði lambið meðan Nikulás svaf og auðvitað var pabbinn hjá honum á meðan.

Ég skar niður tvo lauka, gulrætur, sellerí og hvítlauk og setti í botninn á pottinum. Skar djúpar raufar í lærið og stakk hvítlauk sem ég var búin að skera gróft niður. Því næst nuddaði ég lambið vel með góðri olíu, kryddaði með salti, sítrónupipar, rósarpipar og bezt á lambið. Svo fékk lærið að dúsa í pottinum með lokinu á eldhúsborðinu í tvo tíma meðan við skruppum í heimsókn.

Þegar við komum heim tók á móti okkur unaðsleg lykt sem sveimaði um alla íbúðina.

Ég byrja alltaf á því að loka kjöti og skellti því inn í 200° heitan ofn í 20 mín, svo lækkaði ég hitann niðrí 150° og lærið (2,6 kg) fékk að dúsa áfram í 80 mín.

Ég á því miður ekki fleiri myndir, vorum orðin svo svöng, þessi verður bara að duga !

Með þessu bar ég fram grófar, stórar franskar, gular baunir, rauðbeður, grænmeti úr pottinum, ferskt salat og 1 líter af brúnni sósu, ég notaði soðið úr pottinum ásamt helmingnum af grænmetinu sem ég skellti í matvinnsluvél, það er einnig hægt að nota töfrasprota.

Það er nógur afgangur fyrir kvöldið í kvöld, allt úthugsað svo húsmóðirin geti heklað með CAL hópnum sínum eftir vinnu í dag ;)

Gæsabringur og bláberjasósa

Fyrstu gæsabringurnar komnar í hús en gæsaveiði tímabilið er ný byrjað og minn betri helmingur fær ótakmarkað leyfi til að fara til fjalla og veiða til matar :) Algjört sælgæti bæði steiktar og grafnar gæsabringur.

Brokkolí og snjóbaunir í sesamsósu

2 msk olía

2 meðalstórir spergilkálshausar, skornir í litla bita

½ pakki snjóbaunir

Salt og nýmalaður pipar

Aðferð

Hitið olíu í wok-pönnu eða stórri pönnu og steikið spergilkál í 2 mín, án þess að brenna. Bætið snjóbaunum á pönnuna ásamt sesamsósu og blandið vel saman, smakkið til með salti og pipar.

Sesamsósa

2 msk hunang

2 msk ljóst edik

2 msk sojasósa

2 smak sesamfræ, ristuð

1 tsk sesamolía

Salt og nýmalaður pipar

3 msk olía

Aðferð

Setjið allt nema olíu í skál og blandið vel saman. Bætið olíunni saman við í smáum skömmtun og hrærið vel í á meðan.

Sætar kartöflur, kryddaðar með sjávarsalti, nýmöluðum pipar, kúmen, basil og kirsuberjatómötum. Geggjað að setja gráðost rétt eftir að kartöflurnar koma úr ofninum en krakkarnir eru ekkert allt of hrifin af honum þannig að hann er á disk til hliðar.

Önd, teriyakí maríneruð gæs, salt og pipar krydduð gæs og bláberjasósa.

Bláberjasósa

2-3 skallottlaukar

3 msk olía

½ tsk timjan

1 dl púrtvín

1 msk balsamedik

1 dl bláber

1-2 msk bláberjachutney

4 dl villibráðarsoð

30 gr kalt smjör í tenigum

Salt og pipar

Aðferð

Látið lauk krauma í olíu í potti í 1 mínútu. Bætið þá timjani, púrtvíni, ediki, bláberum, bláberjachutney saman við og sjóðið niður um ¾. Hellið villibráðarsoði í pottinn.

Setjið sósuna í matvinnsluvél, bætið smjöri út í og maukið vel. Setjið sósuna því næst aftur í pottinn og hitið að suðumarki.

Bláberjachutneyið fékk ég hjá vinkonu minni sem er nýburjuð að skrifa pistla á timarim.is undir Heimili og fékk hún mig til að stílfæra krukkurnar og taka myndir.

Öðruvísi marínering á lambalæri

Lambalærið fékk öðruvísi marineringu uppí Stóru-Skógum, farið var að rökkva á kvöldin og Dóri minn sendur út rúmlega 1 að nóttu til, að sækja kryddjurtir...

Það var ekki fyrr en kvöldið eftir þegar lærið átti að fara á grillið að það lyktaði öðruvísi en vanalega þegar ég geri þessa ákveðnu maríneringu.

Lavender og salvía fór í staðinn fyrir rósmarín og timjan :)

Í maríneringuna fór s.s olía, balsamedik, sítrónusafi, hvítvín, hunang, sítrónubörkur, hvítlaukur, svartur pipar, ferskt oreganó, ferskt lavender og fersk salvía, kom skemmtilega á óvart !

Með lærinu vorum við með aspasböggla, ofnsteikta kartöflubáta, ferskt salat og kalda dijon sinnepssósu með grænum pipar.

Grillborgari með bernais

Hægt að gera hamborgara mjög girnilega... og góða !

Nautaluuuund...

Grilluð sérrí maríneruð nautalund með olíu-balsamedik portobello sveppum með dash af fersku timjan, bakaðar kartöflur, kúrbítur, ferskt salat, bernais og rautt á kantinum, love it !

Matarboð með Creditinfo stelpunum mínum

Aðalréttur

Pönnusteiktar Andarbringur með ferskri salvíu, appelsínusósa með ávöxtum, sætar kartöflur m/kúmen, fersku basil og gráðosti og salat með perum og parmaskinku.

Eftirréttur

Strawberry and Lemon Curd Trifle, uppskrift frá Stephanie hjá Joy of Baking

Skvísu-Matarboð

Forréttur

Laxatartar með Kóríander og tobikko hrognum.

Milliréttur

Grillaður humar í basil-hvítlaus-olíu-smjöri

Aðalréttur

Hágæða hreindýrafillet, villibráðasósa, grillaðir portobello sveppir, sætar kartöflur m/kúmen, fersku basil og gráðosti og salat með perum og parmaskinku.

Eftirréttur

Heimabakaðar súkkulaði-hindberja bollakökur með hindberjkremi

Nautalund...

Nautalund maríneruð í olíu, hvítlauk, chilli, sérrí, tómatmauki, soja, balsamedik, hunangi, sinnepsfræjum og svörtum pipar og svo GRILLUÐ á funheitu grilli, með Röstí kartöflum, hvítlauksgrilluðum portobellosveppum, Caprese salati og homemade bernais :)

Hægelduð purusteik

Ég eldaði 3 kg svínabóg, setti hann í ofnpott með fituhliðina niður, kryddaði, hellti vatni upp að miðri steik og inní ofn í 20 mín við 200° hita.
Lækkaði hitann niðrí 150°, tók steikina úr pottinum skellti henni á bretti með fituhliðina upp og skar í puruna, kryddaði með salti, pipar, líka á milli í raufarnar ásamt negulnöglum og lárviðarlaufum.
Ég hellti vatninu frá og skolaði aðeins innan úr pottinum áður en ég setti steikina aftur í ásamt smá vatni, kannski nokkrum negulnöglum og einu lárviðarlaufi, einnig er ágætt að setja eitthvað undir steikina svo hún verði alveg flöt.
Þarna fékk hún að dúsa í helst 4 tíma með lokið á en síðasta klukkutímann tók ég lokið af og hækkaði aðeins hitann svo puran poppaðist.
Soðið sem kemur af steikinni er alveg himneskt og það er skylda að nota það í sósuna !

Villibráðaveisla

Gæsabringur & Hreindýr.
Sætar kartöflur með basil, tómötum og gráðosti.
Salat með grilluðum perum, pekan hnetum, ferskum mozzarella og parmaskinku.
Grillaðir portobello sveppir í hvítlaukssmjöri.
Villibráðasósa..

Steikarsamloka

Keypti Ciabatta brauð í bakaríi, mínútusteik sem ég setti í afgangs kryddlög frá Bourbon marinerað steikarsalat, grillaði portobello sveppi, steikti rauðlauk upp úr smá olíu þar til rauðlaukurinn var orðinn mjúkur, bætti balsamgljáa út í og lét malla nokkra stund.

Skar niður avókadó til að hafa ofan á og klettasalat undir ásamt home-made bernais.

Bernais sósa:

6 eggjarauður

100 gr smjörvi

1 kjúklingakraftsteningur

½ tsk bernaise essence (má sleppa)

1-2 msk fáfnisgras

Bræðið smjörið í potti. Blandið saman eggjarauðurnar, kjúklingakraftinn og bernaise essence og hellið smjörinu varlega saman við. Setjið fáfnisgrasið út í og blandið saman.

Bourbon marinerað steikarsalat

Þessi uppskrift er frá Völla úr bókinni "Grillað"

Viskí- og púðursykurskryddlögur fyrir kjötið:

1 tsk sítrónubörkur
1 tsk appelsínubörkur
2 hvítlauksrif
80 ml Bourbonviskí eða Jack Daniels
¼ bolli af ljósum púðursykri
120 ml sojasósa
1 msk dijon-sinnep
1 tsk chilli sósa

Salat:

Salatblanda að eigin vali
1 avókadó
1 ½ bolli af kirsuberjatómötum, skornir í fjórðunga
1 fennel skorið í þunna strimla
2-3 radísur í þunnum sneiðum
1 appelsína afhýdd og laufin skorin úr
Smá pipar í lokin yfir allt saman

Ananas- og engiferdressing fyrir salatið:

1 msk sojasósa
5 msk ananassafi
½ tsk fínt rifin engiferrót
1 tsk sesamolía
1 hvítlauksrif
1 tsk Meli hunang
1 msk olía
2 msk lime safi
¼ tsk chilli flögur
1 msk saxað ferskt kóríander
¼ bolli ferskur ananas í teningum
Salt & pipar