Steikarsamloka

Keypti Ciabatta brauð í bakaríi, mínútusteik sem ég setti í afgangs kryddlög frá Bourbon marinerað steikarsalat, grillaði portobello sveppi, steikti rauðlauk upp úr smá olíu þar til rauðlaukurinn var orðinn mjúkur, bætti balsamgljáa út í og lét malla nokkra stund.

Skar niður avókadó til að hafa ofan á og klettasalat undir ásamt home-made bernais.

Bernais sósa:

6 eggjarauður

100 gr smjörvi

1 kjúklingakraftsteningur

½ tsk bernaise essence (má sleppa)

1-2 msk fáfnisgras

Bræðið smjörið í potti. Blandið saman eggjarauðurnar, kjúklingakraftinn og bernaise essence og hellið smjörinu varlega saman við. Setjið fáfnisgrasið út í og blandið saman.